English version
ABŞ-ın Beynəlxalq İnkişaf Agentliyi və Mersi
Kor təşkilatı Uşaqları Qoruyun və Beynəlxalq
Tibbi Korpusu təşkiltalarının rəhbərlik etdiyi
konsorsiumlara reproduktiv sağlamlıq və ailə planlaşdırılması
proqramları üçün ümumi məbləği $1, 628,000
ABŞ olan iki qrant ayırmışdır.
Bu proqramlar səhiyyə qayğısı işçilərinin
və ailələrin doğuşları planlaşdırmanın
təhlükəsiz və effektiv seçimləri haqqında
məlumatlarını artırmaq üçün hazırlanıb
və onlar Azərbaycanın 17 rayonunu əhatə edəcək.
Azərbaycan, Bakı ABŞ-ın Beynəlxalq İnkişaf
Agentliyi (ABŞBİA) və Mersi Kor təşkilatı Uşaqları
Qoruyun (UQ) və Beynəlxalq Tibbi Korpusu (BTK) təşkiltalarının
rəhbərlik etdiyi konsorsiumlara Azərbaycanın seçilmiş
rayonlarında reproduktiv sağlamlıq (RS) və ailə planlaşdırılması
(AP) xidmətlərinin yaxşılaşdırılması
üzrə iki proqramın həyata keçirilməsi üçün
ümumi məbləği $1, 628,000 ABŞ olan iki qrant ayırmışdır.
Proqramlar Azərbaycanın 17 rayonunda icra ediləcək və
həmin ərazilərdə 74 icmanı əhatə edəcək.
Beynəlxalq Yardım və İnkişaf (BYİ) və UMCORla müştərək icma əsaslı Ailə Planlaşdırması və Reproduktiv Sağlamlıq Təşəbbüsləri Proqramını həyata keçirəcək UQ təşkilatına 1,200,000 ABŞ dolları məbləğində qrant verilmişdir. Bu proqram icmaları səhiyyə üzrə maarifləndirmək, ilkin səhiyyə qayğısı təminatçılarına təlimlər keçmək və kontraseptivlərin davamlı təminatını artırmaq məqsədi daşıyır.
Bu məqsədlə planlaşdırılmış proqram fəaliyyətlərinə ucqar regionlarda xəstəxanaların icma dəstəyi ilə təmiri, dava-dərman təminatçıları arasında əlaqələrin qurulması, səhiyyə qağısı işçilərinə təlimlərin keçilməsi, icma üzvü olan təlimçilər vasitəsilə icma səfərbərliyi daxildir. Bundan əlavə, bu proqram televiziya proqramları, yerli qəzetlər və maarifləndirici broşuralar vasitəsilə səhiyyə məlumatlarını yayacaq.
Məbləği 427,991 ABŞ dolları olan ikinci qrant Beynəlxalq Tibbi Korpusu (BTK) təşkilatına ayrılmışdır. Bu təşkilat Con Hopkins Universitetinin Blumberq Səhiyyə Məktəbi ilə birgə Azərbaycanda Reproduktiv Sağlamlıq Təşəbbüsü proqramını həyata keçirəcək. UQ təşkilatının fəaliyyət göstərdiyi ərazilərdə həyata keçiriləcək bu proqram ucqar yerlərdə fəaliyyət göstərən səhiyyə işçilərinə təkmilləşmə təlimlərini təmin etmək üçün 27 ixtisaslaşmış təlimçilər qrupu yaradacaq. Azərbaycanda Reproduktiv Sağlamlıq Təşəbbüsü proqramı Ailə Planlaşdırılması üzrə Milli Texniki İşçi Qrupun yaradılmasına dəstək vermək, ailə planlaşdırılması üzrə milli təlimlər paketinin hazırlanması və Milli Reproduktiv Sağlamlıq İdarəsinin (MRSİ) ixtisaslaşmış təlimçilərinin bacarıqlarının artırılması üçün nəzərdə tutulmuşdur.
ABŞ BİA və Mersi Kor tərəfindən ayrılan qrantlar Reproduktiv Sağlamlıq və Ailə Planlaşdırılması sahələrində vacib problemlər və ehtiyaclar üçün nəzərdə tutulub, MersiKor təşkilatınn prrqramlar üzrə direktoru xanım Miriyəm Xuri deyir.
Arzulanmayan hamiləliyin yüksək səviyyədə olması, məhdud və ya az bilik və müasir ailə planlaşdırılması üsullarından zəif istifadə də daxil olmaqla, Azərbaycanda RS və AP xidmətləri sahələrində mövcud olan çatışmazlıqlar və həll ediməmiş ehtiyaclar çoxdur. 2001ci ildə Azərbaycanda keçirilmiş reproduktiv sağlamlıq üzrə sorğu nəticəsində əksər qadınları müəyyən AP metodlarını bilməsi və yalnız 32%-in müasir metodlardan istiyadə etməsi aşkar edilmişdir. Arzulanmayan hamiləliyin səviyyəsi yüksəkdir və təxminən 57% qadın son hamiləliklərinin bilərəkdən olmadığını bildirmişlər. Əksər qadınlar AP metodlarına aid məlumatları tanışlardan, dostlardan, valideynlərdən, həkimlərdən və öz partnyorlarından alır və yalnız onların 10%-i KİV-dən və çap materiallarından bu haqda məlumatları əldə edirlər. Uşaqların doğulmasını planlaşdırmaq üçün hamiləliyin məcburi abortla dayandırılmasından geniş istifadə olunur. UQ və BTK-nın rəhbərlik edəcəkləri proqramlar icmada maarifləndirmə və bacarıqların artırılması fəailiyyətləri vaitəsilə bu ehtiyacları qarşılamaq üçün hazırlanıb.
Bu qrantlar Azərbaycanda valideyinlər və uşaqların sağlam olması ilə nəticələnəcək səhiyyə xidmətlərinin yaxşılaşdırılması işinə ABŞ BİA-nın marağını əks etdirir. Konsorsiuma daxil olan bütün təşkilatlar RS və AP sahələrində beynəlxalq aləmdə nüfuz qazanmış təşkilatlardır və onların hazırladığı bu proqramlar ən yaxşı təcrübələrə əsaslanır, Mersi Korun Səhiyyə Proqramının Meneceri Syu Leonard deyir.
ABŞ-ın Beynəlxalq İnkişaf Agentliyi (ABŞ BİA)
bütün təlimatları ABŞ-ın Dövlət Katibliyindən
alan müstəqil federal hökumət agentliyidir. Bu agentlik bütün
dünyada iqtisadi inkişaf, kənd təsərrüfatı,
ticarət, səhiyyə, demokratiya, münaqişələrin
qarşısının alınması kimi sahələrə
dəstək verir. Qafqazda ABŞ BİA öz fəaliyyətinə
1992-ci ildə başlamışdır. Bu agentlik buranı demokratik
prinsiplərə, bazar iqtisadiyyatına və bütün səviyyələrdə
vətəndaş iştirakina dayanan, firavan və əmin-amanlıq
içində yaşayan bir regiona çevirmək üçün
fəaliyyət göstərir.
Mersi Kor əzab-əziyyəti, yoxsulluğu və zülmü
azaltmaq naminə fəaliyyət göstərən mənfəətsiz,
beynəlxalq yardım və inkişaf təşkilatıdır.
Mersi Kor Azərbaycanda $51,161,630.00 məbləğində Azərbaycana
Humanitar Yardım Proqramının çətir qrant meneceridir,
bundan əlavə, Biznes İnkişafı Xidmətləri
və Uşaq Qurtuluş Proqramlarını bilavasitə icra
edir.
Beynəlxalqa Tibbi Korpus (BTK) səhiyyə üzrə təlimlər
və yardım proqramları vasitəsilə insan həyatlarının
qurtarılması və əzab-əziyyətin azaldılması
naminə fəaliyyət göstərən beynəlxalq məfəətsiz
humanitar təşkilatdır. BTK Azərbaycanda 2000-ci ildən
fəaliyyət göstərir və hazırda Azərbaycanda
bir neçə səhiyyə layihəsi həyata keçirir.
Uşaqları Qoruyun Fondu (UQF) ehtiyac içində olan uşaqların
həyatında davamlı müsbət dəyişikliklərə
nail olmaq naminə fəaliyyət göstərən mənfəətsiz,
beynəlxalq yardım və inkişaf təşkilatıdır.
Bu təşkilat Azərbaycanda 1993-cü ildən fəaliyyət
göstərir və hazırda ölkədə icma inkişafı,
mikro-kredit və səhiyyə layihələrini həyata keçirir.
Daha ətraflı məlumat üçün lütfən Mercy Corps Azərbaycan təşkilatının Səhiyyə Proqramı üzrə Mütəxəssisi Afət Abdullaevaya müraciət edin:
(994 12) 97 51 72
www.mercycorps.az
|