“World Vision International” humanitar təşkilatının Azərbaycan Respublikasındakı nümayəndəliyi xüsusiləşdirilmiş peşə təlimlərinin keçirilməsi məqsədilə maraqlı tərəfləri təkliflərini təqdim etməyə dəvət edir
“Gənclərin inkişafı və məşğulluq şəbəkəsinin yaradılması” layihəsi çərçivəsində xüsusi qayğıya ehtiyacı olan gənclərə peşə təlimlərinin keçirilməsi nəzərdə tutulmuşdur.
Təlimlər Qaradağ rayonunda yaşayan 14-29 yaş arası xüsusi qayğıya ehtiyacı olan gənclər üçün təşkil olunacaqdır. Təlimlər gənclərin qüsur növü və ağırlıq səviyyəsindən asılı olaraq müxtəlif sahələri əhatə edə bilər. Cəlb olunacaq gənclərin sayı 35 nəfər olmaqla təlimlərin ümumi müddəti 1 il 6 ay olacaqdır (01 oktyabr 2013-cü il – 31 mart 2015-ci il).
Təklif məktubunda aşağıdakı məlumat əks olunmalıdır:
Təşkilat barədə
- Təşkilatın adı, ünvanı, əlaqə nömrələri, elektron poçt, əlaqələndirici şəxsin adı, VÖEN sənədinin nüsxəsi
- Təşkilat barədə qısa məlumat, işçilərin sayı və vəzifələri
- Təşkilatın layihə/fəaliyyətləri barədə ətraflı məlumat (adı, əhatə etdiyi illər və ərazi, donor, məbləğ və məqsədi)
Təklif barədə
- Elana əsaslanaraq təklifin xülasəsi
- İcra planı/qrafiki
- ƏDV daxil olub-olmadığı barədə məlumat daxil olmaqla Büdcə (yalnız Azərbaycan manatı ilə)
Təklifləri bağlı möhürlənmiş zərfdə 05 iyun 2013-cü il saat 17.00dək aşağıdakı ünvana təqdim edə bilərsiniz:
“World Vision International” humanitar təşkilatının
Azərbaycan Respublikasındakı nümayəndəliyi
Bakı şəhəri, AZ1141, H. Cavid pr. 32, mənzil 51, 14-cü mərtəbə
Tel/Fax : (012) 437 31 95, 537 11 31
Əlaqələndirici şəxs: Leyla Bəkirova (İnzibati İşlər üzrə Rəhbər)
|