“SOS Uşaq Kəndləri-Azərbaycan” Assosiasiyası “SOS Kinderdorf” beynəlxalq humanitar təşkilatı və Azərbaycan hökuməti arasında imzalanmış razılaşmaya əsasən 1999-cu ildə yaradılmışdır. Təşkilatın əsas məqsədi valideyn himayəsindən məhrum olan uşaqlara ailə əsaslı qayğı göstərməkdən, həmçinin atılma riski altında olan uşaqların sosial rifahını təmin etmək məqsədilə müxtəlif tədbirlər həyata keçirməkdən ibarətdir. Hazırda Assosiasiyanın Bakı və Gəncə Uşaq Kəndləri Proqramı çərçivəsində bir sıra sosial layihələr uğurla fəaliyyət göstərir. “SOS Uşaq Kəndləri-Azərbaycan” Assosiasiyası, BMT-nin Uşaq Hüquqları Konvensiyasına əsaslanaraq, öz fəaliyyətində Uşaq Müdafiəsi siyasətini həyata keçirir.  “SOS Uşaq Kəndləri-Azərbaycan” Assosiasiyası ictimai birliyi Gəncə SOS Uşaq Kəndinə SOSİAL İŞÇİ  vəzifəsinə iş elanı verir:

Sosial işçi Gəncə SOS Uşaq Kəndlərində qayğı görən uşaq və gənclərlə sosial işin təşkilini həyata keçirir. Uşaq və gənclərin əmlak, həmçinin uşaqların proqrama qəbulu məsələlərinin tənzimlənməsi, onların bioloji ailə köklərinin araşdırılması, uşaq problemləri ilə məşğul olan dövlət qurumları və qeyri hökumət təşkilatları ilə əməkdaşlıq etməyə məsuldur.

PROFİLİNİZ:

• Sosial iş sahəsində ali təhsil;
• Əlaqədar sahə üzrə minimum 1-3 illik iş təcrübəsi;
• Uşaq hüquqları və uşaq müdafiəsi haqqında məlumatlılıq; 
• Peşəyönümü əlavə təhsil (təlim, seminarlar);
• Sosial və təşkilati bacarıqlar;
• Yüksək ünsiyyət bacarığı, o cümlədən, dövlət qurumları ilə əlaqə qurmaq qabiliyyəti;
• Fərdi və komandada işləmək istəyi və bacarığı;
• Stress altında işləmək bacarığı;
• Kompüter biliyi (MS Office);

VƏZİFƏ VƏ ÖHDƏLİKLƏR:

• Keys Menecment alətləri vasitəsi ilə uşaqların keyslərini idarə və koordinasiya etmək
• Hər bir uşağın/gəncin fərdi ehtiyaclarına uyğun Fərdi İnkişaf Planlarını tərtib etmək və həyata keçirilməsinə dəstək olmaq
• Uşaqların bioloji ailələri ilə iş üzrə öhdəlikləri icra etmək
• Uşaq və gənclərin çatışmayan sənədlərinin (doğum şəhadətnaməsi, şəxsiyyət vəsiqəsi, valideynlərin ölüm şəhadətnaməsi) həmçinin itmiş və korlanmış sənədlərin bərpası, pensiya və müavinətlərin təmin edilməsinə dəstək etmək 
• Uşaq Kəndinin planlaşdırma və maliyyə işlərində iştirak etmək
• Uşaq və gənclərin daşınan və daşınmaz əmlakının (həmçinin vərəsəlik və ya qeyri-vərəsəlik şəklində mövcud olan) mövcudluğu haqqında araşdırmalar aparmaq və belə hallar olduqda uşaqların əmlak hüquqlarını qanuniləşdirmək
• Uşaq qəbulu və Uşaq müdafiəsi komitəsinin üzvü olmaq

İŞ ŞƏRTLƏRİ:

 

• Ünvan –Gəncə şəhəri, Azərbaycan bayrağı küçəsi 189;
• 780.00 AZN (vergilər daxil) əmək haqqı;
• Həftədə şənbə və bazar günləri istirahət;
• Azərbaycan Respublikası Əmək Qanunvericiliyinə uyğun işçi qeydiyyatı.

 Uşaq Müdafiəsi:

• Uşaq Müdafiə Siyasətinə riayət etmək
• Uşaq Kəndi Proqramlarında zorakılıq halları ilə bağlı hadisələrə “Uşaq müdafiəsi üzrə Hesabat vermə və cavab tədbirləri” prosedurunu tətbiq etmək

Cinsi zorakılıq, istismar və zorlama hallarının qarşısının alınması və bu kimi hallardan müdafiə siyasəti üzrə

• Cinsi zorakılıq, istismar və zorlama hallarının qarşısının alınması və bu kimi hallardan müdafiə siyasətinə riayət etmək
• Cinsi zorakılıq, istismar və zorlama halları ilə bağlı hesabatvermə və cavabvermə prosedurlarını tətbiq etmək 

 

TƏKLİFİMİZ:

“SOS Uşaq Kəndləri – Azərbaycan” Assosiasiyası ictimai birliyi Beynəlxalq Təşkilatın nümayəndəliyi olaraq QHT mühitində öz işçilərinə geniş inkişaf imkanları yaradır. 

 

Namizədliyinizi uyğun hesab edirsiniz? Müraciət ərizələrinizi/CV 6 dekabr 2025-ci il tarixədək “Gəncə SOS UK/Sosial işçi” adlı başlıqla [email protected] e-poçt ünvanına göndərməyinizi xahiş edirik. Qeyd: Yalnız uyğun namizədlərlə əlaqə saxlanılacaqdır! Qeyd: SOS Uşaq Kəndləri Azərbaycanın iş elanları yalnız azerweb.az və jobsearch.az saytında yerləşdirilir!