“SOS Uşaq Kəndləri-Azərbaycan” Assosiasiyası “SOS Kinderdorf” beynəlxalq humanitar təşkilatı və Azərbaycan hökuməti arasında imzalanmış razılaşmaya əsasən 1999-cu ildə yaradılmışdır. Təşkilatın əsas məqsədi valideyn himayəsindən məhrum olan uşaqlara ailə əsaslı qayğı göstərməkdən, həmçinin atılma riski altında olan uşaqların sosial rifahını təmin etmək məqsədilə müxtəlif tədbirlər həyata keçirməkdən ibarətdir. Hazırda Assosiasiyanın Bakı və Gəncə Uşaq Kəndləri Proqramı çərçivəsində bir sıra sosial layihələr uğurla fəaliyyət göstərir. “SOS Uşaq Kəndləri-Azərbaycan” Assosiasiyası, BMT-nin Uşaq Hüquqları Konvensiyasına əsaslanaraq, öz fəaliyyətində Uşaq Müdafiəsi siyasətini həyata keçirir.  “SOS Uşaq Kəndləri-Azərbaycan” Assosiasiyası ictimai birliyi Gəncə Şəhər filialı Erkən uşaq inkişafı layihəsinə DAYƏ  vəzifəsinə iş elanı verir:

 

Gəncə SOS Uşaq Kəndi Erkən Uşaq İnkişafı layihəsinin məqsədi Gəncə şəhəri və ətrafında yaşayan 0-6 yaş qrupuna daxil olan uşaqların fiziki, koqnitiv, emosional və sosial ehtiyaclarını qarşılayan tərbiyəvi və inkişaf etdirici mühitin yaradılması və oyuna əsaslanan öyrənmə və sağlamlıq monitorinqini həyata keçirməklə onların erkən inkişafına töhvə verməkdir.  

 

Dayə uşağın rifahını təmin etməyə, qrupun təmizliyinə, gigiyena qaydalarının izlənməsinə riayət etməyə məsuldur.  O, vaxtlı-vaxtında uşaqlara qidanın paylanmasını həyata keçirir və yeməklərin yeyilməsi zamanı uşaqlara yardım göstərir. Dayə uşaqlara qarşı mehribanlıq və yüksək həssaslıq hissi nümayiş etdirir. 

 

Bu vəzifəyə qəbul olunacaq namizəd uşaq və insan hüquqlarının qorunduğu bir təşkilatın üzvü olacağı üçün ondan məhkumluğun olub-olmamasına dair arayış və ötən iş yerlərindən xarakteristikalar (rəylər) tələb olunacadır. Uğurlu namizədin vəzifə üzrə bilik və bacarıqları ilə yanaşı müdafiəyə olan yanaşması da araşdırılacaq və qiymətləndiriləcəkdir.

 

PROFİLİNİZ:

 

• Məktəbəqədər təhsil və pedaqoji sahə üzrə orta İxtisas təhsili (ali təhsil üstünlükdür);
• Əlaqədar sahə üzrə minimum 2 il iş təcrübəsi;
• İlkin tibbi yardım bacarıqları;
• Uşaq psixologiyası üzrə bilik;
• Uşaq hüquqları və uşaq müdafiəsi haqqında məlumatlılıq;
• Yüksək kommunikasiya bacarıqları;
• Azərbaycan dili biliyi. 

 

VƏZİFƏ VƏ ÖHDƏLİKLƏR:

 

• Tərbiyəçinin rəhbərliyi altında məşğələlərin hazırlanması və təşkilində köməklik göstərmək; 
• Uşaqların soyunub-geyinməsində, yuyunmasında, yedizdirilməsində, yatağa salınmasında, gəzintiyə çıxarılmasında köməklik etmək;
• Öhdəsinə verilmiş uşaqların fərdi xüsusiyyələrini yaxından öyrənmək;
• Qrupunda olan hər bir uşağın fiziki rifahı, qayğı ilə əhatə olunması və təhlükəsizliyi üçün məsuliyyət daşımaq;
• Uşaqların valideynləri ilə sıx əməkdaşlıq etmək və mütəmadi olaraq valideyn iclaslarında iştirak etmək;
• Qrupda sanitar-gigiyena qaydalarına riayət etmək;
• Uşaqların şəxsi gigiyenasına xüsusi diqqət yetirmək;
• Bütün mələfələri nişanlamaq, yataq dəstlərini, dəsmalları həftədə 1 dəfə dəyişmək və yuyulması üçün xadiməyə təhvil vermək;
• Qrup otağının təmizliyinin qorunasına dəstək göstərmək (zibil qablarının təmizlənməsi, mebellərin tozunun alınması, qrup otaqlarındakı stolların yeməkdən (xüsusilə axşam yeməyi) sonra xüsusi əski ilə silinməsi və s);

 

İŞ ŞƏRTLƏRİ:

• Ərazi – Gəncə şəhəri, Azərbaycan bayrağı küçəsi (Əhməd Cəmil) 189;
• 345.00 AZN (vergilər daxil) əmək haqqı;
• Həftədə 2 gün istirahət;
• Azərbaycan Respublikası Əmək Qanunvericiliyinə uyğun işçi qeydiyyatı.

 

Uşaq Müdafiəsi:

 

• Uşaq Müdafiə Siyasətinə riayət etmək
• Uşaq Kəndi Proqramlarında zorakılıq halları ilə bağlı hadisələrə “Uşaq müdafiəsi üzrə Hesabat vermə və cavab tədbirləri” prosedurunu tətbiq etmək

 

Cinsi zorakılıq, istismar və zorlama hallarının qarşısının alınması və bu kimi hallardan müdafiə siyasəti üzrə

 

• Cinsi zorakılıq, istismar və zorlama hallarının qarşısının alınması və bu kimi hallardan müdafiə siyasətinə riayət etmək
• Cinsi zorakılıq, istismar və zorlama halları ilə bağlı hesabatvermə və cavabvermə prosedurlarını tətbiq etmək 

TƏKLİFİMİZ:

 

“SOS Uşaq Kəndləri – Azərbaycan” Assosiasiyası ictimai birliyi Beynəlxalq Təşkilatın nümayəndəliyi olaraq QHT mühitində öz işçilərinə geniş inkişaf imkanları yaradır. 

 

Namizədliyinizi uyğun hesab edirsiniz? Müraciət ərizələrinizi/CV 19 sentyabr 2024-cü il tarixədək “Gəncə şəhər Filialı/Dayə” adlı başlıqla [email protected] e-poçt ünvanına göndərməyinizi xahiş edirik.                      Qeyd: Yalnız uyğun namizədlərlə əlaqə saxlanılacaqdır!  Qeyd: SOS Azərbaycanın iş elanları yalnız www.azerweb.az  və www.jobsearch.az  saytlarında yerləşdirilir.