Psixoloq (yarım ştat) 

 

Beynəlxalq Qızıl Xaç və Qızıl Aypara Cəmiyyətləri Federasiyasının (IFRC) və Avropa İttifaqının (EU) maliyyə dəstəyi ilə SOS Uşaq Kəndləri-Azərbaycan Assosiasiyası “İqtisadi, ekoloji və sosial dayanıqlılıq sahəsində boşluqların azaldılması məqsədilə kənd yerlərində innovasiyaların təşviq edilməsi” (BRIDGES) layihəsini icra etməyi planlaşdırır. 

Layihə 10 ay müddətində Füzuli rayonunun məcburi köçkünlər məskunlaşan 5 qəsəbə və ya kəndində təxmini 200 nəfər həssas qrupa daxil olan qadınlar və gənclər üçün dayanıqlı icma əsaslı inkişaf təcrübələrini təşviq etməklə onların sosial-iqtisadi və ekoloji cəhətdən gücləndirilməsinə dəstək olmağı nəzərdə tutur. Bu məqsədlə SOS Uşaq Kəndləri-Azərbaycan Assosiasiyası aşağıdakı vakansiya üçün iş elan verir. 

Psixoloq (yarım ştat) – qadın benefisiarların emosional və psixoloji ehtiyaclarının qiymətləndirilməsi, psixi sağlamlıq xidmətlərinin göstərilməsi, təlim modullarının hazırlanması, təlim sessiyaları və psixoterapiya məsləhətlərinin verilməsi və müvafiq ictimai xidmətlərə yönləndirilməsinə məsuliyyət daşıyacaq. 

Öhdəliklər:

• Benefisiarların müəyyən edilməsi, məlumatların toplanması və uyğun gələnlərin layihəyə cəlb edilməsi prosesinə dəstək göstərilməsi. 
• Benefisiarların sosial-iqtisadi vəziyyətinin qiymətləndirilməsi və müvafiq tədbirlərin planlaşdırılması prosesinə dəstək göstərilməsi.
• Benefisiarlar üçün psixo-sosial mövzular üzrə təlim materiallarının hazırlanması, eləcə də təlimlərin və məlumat sessiyalarının keçirilməsi. 
• Benefisiarlara fərdi və qrup halında ehtiyaclarına uyğun psixoloji xidmətlərin göstərilməsi və lazımi hallarda digər qurumlara yönəldilməsi.
• Benefisiarlarla icma və qrup inkişafı işlərinin aparılmasına dəstək edilməsi. 
• Layihə üzrə müvafiq məlumat və tanıtım materiallarının hazırlanmasına dəstək göstərilməsi. 
• Layihə fəaliyyətləri, çətinliklər və uğurlar haqqında mütəmadi olaraq inkişaf hesabatlarının təqdim olunması.

 

Tələblər:

• Uyğun sahələr üzrə ali və ya orta ixtisas təhsili: psixologiya, sosiologiya və s.;
• Yüksək səviyyədə komandada işləmə bacarıqları və azı 5 illik təcrübə;
• İcma quruculuğu və ya sosial iş üzrə azı 5 illik təcrübə;
• Kənd yerlərində icma inkişaf layihələrinin icrası və tərəfdaşlarla əlaqələrin qurulması üzrə azı 5 illik təcrübə;

 

• Yüksək səviyyədə təlimçilik, kommunikasiya və şəbəkələşmə bacarıqları;
• Azərbaycan dilində səlis danışmaq və qrammatik cəhətdən düzgün yazmaq bacarıqları; 
• Regionda yaşaması və ya tanıması üstünlükdür.

 

İş şərtləri:

• Yarım ştat məşğulluq - 3 günlük iş həftəsi, saat 09:00-18:00.
• İş yeri: Füzuli rayonu.
• Əmək haqqı (vergilər və digər tutulmalar daxil): 348 CHF (Isveçrə Frankı). 
• Azərbaycan Respublikasının əmək qanunvericiliyinə uyğun olaraq işçilərin uçotu aparılır.

 

Təklifimiz: 

Peşəkar və insan səriştəsinin ön planda olduğu beynəlxalq QHT iş mühiti və məsuliyyətli bir vəzifə.

   

Müraciət etmək üçün müraciətinizi (motivasiya məktubu və CV) ən geci 10 May 2024-cü il tarixinədək [email protected] ünvanına mövzu hissəsində “  Psixoloq (yarım ştat) ” qeyd etməklə göndərməyiniz xahiş olunur. Nəzərə alın ki, yalnız qısa siyahıya alınmış namizədlərlə əlaqə saxlanılacaq! Onu da qeyd edək ki, SOS CV Azerbaijan-ın iş elanları yalnız www.azerweb.az saytında dərc olunur!