“SOS Uşaq Kəndləri-Azərbaycan” Assosiasiyası “SOS Kinderdorf” beynəlxalq humanitar təşkilatı və Azərbaycan hökuməti arasında imzalanmış razılaşmaya əsasən 1999-cu ildə yaradılmışdır. Təşkilatın əsas məqsədi valideyn himayəsindən məhrum olan uşaqlara ailə əsaslı qayğı göstərməkdən, həmçinin atılma riski altında olan uşaqların sosial rifahını təmin etmək məqsədilə müxtəlif tədbirlər həyata keçirməkdən ibarətdir. Hazırda Assosiasiyanın Bakı və Gəncə Uşaq Kəndləri Proqramı çərçivəsində bir sıra sosial layihələr uğurla fəaliyyət göstərir. “SOS Uşaq Kəndləri-Azərbaycan” Assosiasiyası, BMT-nin Uşaq Hüquqları Konvensiyasına əsaslanaraq, öz fəaliyyətində Uşaq Müdafiəsi siyasətini həyata keçirir. 

 

“SOS Uşaq Kəndləri-Azərbaycan” Assosiasiyası ictimai birliyi UNİCEF Azərbaycanın maliyyə  dəstəyi ilə “Uşaqlara qarşı zorakılığın qarşısının alınması üçün icma əsaslı sosial xidmətlərin göstərilməsi layihəsi”nin icrası istiqamətində 

 

HÜQUQŞÜNAS

 

   vəzifəsinə iş elanı verir

 

Layihənin məqsədi icma əsaslı sosial iş və vəkillik xidmətləri göstərməklə zorakılığa (həmçinin gender zorakılığı) məruz qalan 200-ə yaxın həssas uşağa dəstək göstərmək, yetkinlik yaşına çatmayanların işləri və hüquqlarının müdafiəsi ilə bağlı hüquqi yardım xidmətlərini təmin etmək, onların fiziki sağlamlığını və rifahını gücləndirməkdir.

 

Hüquqşünas benefisiar uşaq və ailələrlə hüquqi xidmətin göstərilməsinə məsuldur.

 

Bu vəzifəyə qəbul olunacaq namizəd uşaq və insan hüquqlarının qorunduğu bir təşkilatın üzvü olacağı üçün ondan məhkumluğun olub-olmamasına dair arayış və ötən iş yerlərindən xarakteristikalar (rəylər) tələb olunacadır. Uğurlu namizədin vəzifə üzrə bilik və bacarıqları ilə yanaşı müdafiəyə olan yanaşması da araşdırılacaq və qiymətləndiriləcəkdir.

PROFİLİNİZ:

 

• Hüquqşünaslıq sahəsində ali təhsil;
• Zorakılığa məruz qalmış uşaq və ailələri ilə iş sahəsində azı 3 illik iş təcrübəsi;
• Normativ-hüquqi aktlar və onların tətbiqi üzrə iş təcrübəsi;
• Məsləhət vermək və danışıqlar aparmaq bacarığı;
• Analitik təhlil bacarıqları;
• Sosial və təşkilati bacarıqlar;
• Komandada işləmək istəyi və bacarığı;
• Uşaq hüquqları və uşaq müdafiəsi haqqında məlumatlılıq;
• Əlavə peşəyönümü təhsil (təlim, seminarlar);
• Kompüter biliyi (MS Office)

 

VƏZİFƏ VƏ ÖHDƏLİKLƏR:

 

• Layihə işçiləri ilə koordinasiya şəklində hüquqi (qanunla ziddiyyət təşkil edən) problemləri olan potensial benefisiarları müəyyən etmək və onların məhkumluq tarixçələrini araşdırmaq məqsədilə qayğıgöstərənlər (həmçinin qəyyumlar) və müvafiq dövlət qulluqçuları ilə əlaqə saxlamaq;
• Benefisiar ailələrə və uşaqlara müvafiq hüquqi problemlərinin həlli məqsədilə fərdi və qrup şəklində hüquq məsləhət xidmətləri göstərmək;
• Benefisiarların rifahının və müdafiəsinin təmin edilməsi, layihə çərçivəsində problemlərinin həlli məqsədilə onları məhkəmələrdə qanuni şəkildə təmsil etmək;
• Benefisiarların hüquqi problemləri ilə bağlı müvafiq fəaliyyətləri müəyyən etmək, planlaşdırmaq və həyata keçirməkdə layihə işçilərinə dəstək olmaq;
• Layihə koordinatoru və heyətini layihə fəaliyyətləri, çətinliklər, həmçinin uğurlu nəticələr barədə mütamadi məlumatlandırmaq; 
• Potensial benefisiar və qayğıgöstərənlərin cəlb edilməsi məqsədilə məlumat toplanılması və  məlumat bazasının doldurulmasında sosial işçiyə dəstək göstərmək.

 

UŞAQ MÜDAFİƏSİ:

 

• Uşaq Müdafiə Siyasətinə riayət etmək
• Uşaq Kəndi Proqramlarında zorakılıq halları ilə bağlı hadisələrə “Uşaq müdafiəsi üzrə Hesabat vermə və cavab tədbirləri” prosedurunu tətbiq etmək

 

Cinsi zorakılıq, istismar və zorlama hallarının qarşısının alınması və bu kimi hallardan müdafiə siyasəti üzrə

 

• Cinsi zorakılıq, istismar və zorlama hallarının qarşısının alınması və bu kimi hallardan müdafiə siyasətinə riayət etmək
• Cinsi zorakılıq, istismar və zorlama halları ilə bağlı hesabatvermə və cavabvermə prosedurlarını tətbiq etmək 

 

İŞ ŞƏRTLƏRİ:

 

• Ünvan/Gəncə şəhəri, Azərbaycan bayrağı küçəsi 189 (3 saylı Təcili Tibbi yardım xəstəxananın yanı); 
• Xidmət müqaviləsi ilə rəsmiləşdirmə.

 

TƏKLİFİMİZ:

 

“SOS Uşaq Kəndləri – Azərbaycan” Assosiasiyası ictimai birliyi Beynəlxalq Təşkilatın nümayəndəliyi olaraq QHT mühitində öz işçilərinə geniş inkişaf imkanları yaradır. 

Namizədliyinizi uyğun hesab edirsiniz? Müraciət ərizələrinizi/CV və motivasiya məktubunuzu (yalnız elektron ərizələr nəzərə alınır)  7 Sentyabr 2023-cü il tarixədək “Gəncə SOS Uşaq Kəndi/Hüquqşünas/UNICEF” adlı başlıqla [email protected] e-poçt ünvanına göndərməyinizi xahiş edirik. Qeyd: Yalnız uyğun namizədlərlə əlaqə saxlanılacaqdır!  Qeyd: SOS Uşaq Kəndləri Azərbaycanın iş elanları yalnız azerweb.az və jobsearch.az saytlarında yerləşdirilir!