“SOS Uşaq Kəndləri-Azərbaycan” Assosiasiyası “SOS Kinderdorf” beynəlxalq humanitar təşkilatı və Azərbaycan hökuməti arasında imzalanmış razılaşmaya əsasən 1999-cu ildə yaradılmışdır. Təşkilatın əsas məqsədi valideyn himayəsindən məhrum olan uşaqlara ailə əsaslı qayğı göstərməkdən, həmçinin atılma riski altında olan uşaqların sosial rifahını təmin etmək məqsədilə müxtəlif tədbirlər həyata keçirməkdən ibarətdir. Hazırda Assosiasiyanın Bakı və Gəncə Uşaq Kəndləri Proqramı çərçivəsində bir sıra sosial layihələr uğurla fəaliyyət göstərir. “SOS Uşaq Kəndləri-Azərbaycan” Assosiasiyası, BMT-nin Uşaq Hüquqları Konvensiyasına əsaslanaraq, öz fəaliyyətində Uşaq Müdafiəsi siyasətini həyata keçirir.  “SOS Uşaq Kəndləri-Azərbaycan” Assosiasiyası ictimai birliyi Bakı SOS Uşaq Kəndinə SOSİAL İŞÇİ    vəzifəsinə iş elanı verir:

 

Sosial işçi Bakı Uşaq Kəndi Proqramında qayğı görən uşaqlarla sosial işin təşkilini həyata keçirir. Uşaqların əmlak və kəndə qəbulu məsələlərinin tənzimlənməsi, uşaqların bioloji ailə köklərinin araşdırılması, uşaq problemləri ilə məşğul olan dövlət qurumları və qeyri hökumət təşkilatları ilə əməkdaşlıq etməyə məsuldur.

PROFİLİNİZ:

 

• Sosial iş sahəsində ali təhsil;
• Uşaq və gənclərlə sosial iş üzrə 2-3 illik iş təcrübəsi;
• Uşaq hüquqları və uşaq müdafiəsi haqqında məlumatlılıq; 
• Peşəyönümü əlavə təhsil (təlim, seminarlar);
• Sosial və təşkilati bacarıqlar;
• Yüksək ünsiyyət bacarığı, o cümlədən, dövlət qurumları ilə əlaqə qurmaq qabiliyyəti;
• Fərdi və komandada işləmək istəyi və bacarığı;
• Stress altında işləmək bacarığı;
• Kompüter biliyi (MS Office);

VƏZİFƏ VƏ ÖHDƏLİKLƏR:

 

• Keys Menecment alətləri vasitəsi ilə uşaqların keyslərini idarə və koordinasiya etmək
• Hər bir uşağın fərdi ehtiyaclarına uyğun Fərdi İnkişaf Planlarını tərtib etmək və həyata keçirilməsinə dəstək olmaq
• Uşaqların bioloji ailələri ilə iş üzrə öhdəlikləri icra etmək
• Uşaqların çatışmayan sənədlərinin (doğum şəhadətnaməsi, şəxsiyyət vəsiqəsi, valideynlərin ölüm şəhadətnaməsi)  həmçinin itmiş və korlanmış sənədlərin bərpası, pensiya və müavinətlərin təmin edilməsinə dəstək etmək 
• Uşaq Kəndinin planlaşdırma və maliyyə işlərində iştirak etmək
• Uşaqların daşınan və daşınmaz əmlakının (həmçinin vərəsəlik və ya qeyri-vərəsəlik şəklində mövcud olan) mövcudluğu haqqında araşdırmalar aparmaq və belə hallar olduqda uşaqların əmlak hüquqlarını qanuniləşdirmək
• Uşaq qəbulu və Uşaq müdafiəsi komitəsinin üzvü olmaq

İŞ ŞƏRTLƏRİ:

 

• Ünvan/Bakı şəhəri, Xətai rayonu, Sadıqcan küçəsi 27a (Həzi Aslanov metrosunun yaxınlığı)
• Əmək haqqı/600-750 AZN (vergilər daxil). Son müsahibə zamanı müəyyən ediləcəkdir.
• Həftədə 2 gün istirahət;
• Azərbaycan Respublikası Əmək Qanunvericiliyinə uyğun işçi qeydiyyatı.

 

TƏKLİFİMİZ:

 

“SOS Uşaq Kəndləri – Azərbaycan” Assosiasiyası ictimai birliyi Beynəlxalq Təşkilatın nümayəndəliyi olaraq QHT mühitində öz işçilərinə geniş inkişaf imkanları yaradır. 

Namizədliyinizi uyğun hesab edirsiniz? Müraciət ərizələrinizi/CV (yalnız elektron ərizələr nəzərə alınır) 21 Iyun 2021-ci il tarixədək “Bakı SOS UKP/Sosial İşçi” adlı başlıqla cv@sos-az.org e-poçt ünvanına göndərməyinizi xahiş edirik. Əlaqə nömrəsi: 055 227 47 25 Qeyd: Yalnız uyğun namizədlərlə əlaqə saxlanılacaqdır! Qeyd: SOS Uşaq Kəndləri Azərbaycanın iş elanları yalnız azerweb.az və jobsearh.az saytlarında yerləşdirilir.