“SOS Uşaq Kəndləri-Azərbaycan” Assosiasiyası “SOS Kinderdorf” beynəlxalq humanitar təşkilatı və Azərbaycan hökuməti arasında imzalanmış razılaşmaya əsasən 1999-cu ildə yaradılmışdır. Təşkilatın əsas məqsədi valideyn himayəsindən məhrum olan uşaqlara ailə əsaslı qayğı göstərməkdən, həmçinin atılma riski altında olan uşaqların sosial rifahını təmin etmək məqsədilə müxtəlif tədbirlər həyata keçirməkdən ibarətdir. Hazırda Assosiasiyanın Bakı və Gəncə Uşaq Kəndləri Proqramı çərçivəsində bir sıra sosial layihələr uğurla fəaliyyət göstərir. “SOS Uşaq Kəndləri-Azərbaycan” Assosiasiyası, BMT-nin Uşaq Hüquqları Konvensiyasına əsaslanaraq, öz fəaliyyətində Uşaq Müdafiəsi siyasətini həyata keçirir.  “SOS Uşaq Kəndləri-Azərbaycan” Assosiasiyası ictimai birliyi Bakı SOS Uşaq Kəndi Qısa Müddətli Qayğı layihəsinə Sosial Pedaqoq vəzifəsinə iş elanı verir:

Qısa Müddətli Qayğı layihəsinin əsas məqsədi böhran vəziyyətində (bir və ya hər iki valideynini itirdikdə müvəqqəti qəyyumsuzluq, valideynin sağlamlıq, maddi və ya inzibati məsuliyyət səbəbilə ailə qayğısından müvəqqəti məhrum olma) yaşayan uşaqların qayğı və müvəqqəti sığınacaqla təmin edilməsi, ehtiyacı olan uşaqlar üçün təhlükəsiz və tərbiyəvi mühitin yaradılması, eyni zamanda “SOS Uşaq Kəndləri - Azərbaycan” Assosiasiyası ictimai birliyinin yerli İcra Hakimiyyəti orqanı ilə birgə uşaq hüquqlarının qorunmasının təmin edilməsidir. Layihədə qayğı müddəti 1 aydan 12 aya gədərdir. İşçi heyəti 4 sosial pedaqoq və 1 aşpazdan ibarətdir.

Qısa Müddətli Qayğı Layihəsində Sosial pedaqoq növbəli rejimdə çalışmaqla 8 nəfər 3-14 yaşlı uşağın gündəlik qayğı və təlim-tərbiyə prosesini həyata keçirir. Sosial pedaqoq layihə çərçivəsində qayğı görən hər bir uşağın fərdi planına əsasən hərtərəfli inkişafına məsuldur. 

PROFİLİNİZ:

• Pedaqoji sahə üzrə ali və ya orta ixtisas təhsili; 
• Əlaqədar sahə (müəllim, tərbiyəçi və s.) üzrə minimum 2 il iş təcrübəsi;

• Uşaq psixologiyası üzrə bilik;
• İlkin tibbi yardım bacarıqları;
• Uşaq hüquqları və uşaq müdafiəsi haqqında məlumatlılıq;
• Yüksək kommunikasiya bacarıqları;
• Stresə davamlılıq;
• Kollektivdə çalışmaq və yardım etməyə hazır olmaq;
• Kompüter biliyi (MS Office);
• Azərbaycan dili biliyi. Rus dili biliyi arzuolunandır.

VƏZİFƏ VƏ ÖHDƏLİKLƏR:

 

• Uşaqlara sosial, təhsil və sağlamlıq sahələrində lazımi dəstəyi göstərmək;
• Uşaqların gündəlik qayğı ehtiyaclarını təmin etmək;
• Uşaqların Fərdi İnkişaf Planlarının hazırlanmasında iştirak etmək;
• Hər bir uşağın fərdi inkişaf planı əsasında onun hərtərəfli inkişaf etməsini təmin etmək;
• Hər bir uşağın rifahı, təhlükəsizliyi və qayğı ilə əhatə olunması üçün məsuliyyət daşımaq;
• Layihə çərçivəsində qayğı görən uşaqlar üçün müxtəlif məşğələlər təşkil etmək;
• Müxtəlif məşğələlərdə inkişafetdirici mühitin yaradılmasını təmin etmək;
• Müxtəlif yaş qrup uşaqlarla iş qurmaq;
• Təhsil  və səhiyyə ocaqları ilə əməkdaşlıq etmək. 
• Layihə çərçivəsində göstərilən xidmətlər barədə tədbirlər planının hazırlanmasında iştirak etmək;

 

İŞ ŞƏRTLƏRİ:

 

• Ünvan: Bakı şəhəri, Xətai rayonu, Sadıqcan küçəsi, 27A, AZ1121 (Xətai Rayon Polis idarəsinin, 257 saylı məktəbin və Həzi Aslanov metrosu yaxınlığı)
• 300-360 AZN (vergilər daxil) əmək haqqı;
• Növbəli işləmək (gecələmək şərtilə 24 saatlıq (1 gün) iş, növbəti 72 saat (3 gün) istirahət günü olmaqla);
• Azərbaycan Respublikası Əmək Qanunvericiliyinə uyğun işçi qeydiyyatı.

 

TƏKLİFİMİZ:

 

“SOS Uşaq Kəndləri – Azərbaycan” Assosiasiyası ictimai birliyi Beynəlxalq Təşkilatın nümayəndəliyi olaraq QHT mühitində öz işçilərinə geniş inkişaf imkanları yaradır. 

Namizədliyinizi uyğun hesab edirsiniz? Müraciət ərizələrinizi/CV (yalnız elektron ərizələr nəzərə alınır) 12 may 2021-ci il tarixədək “Bakı SOS Uşaq Kəndi/QMQL_Sosial Pedaqoq” adlı başlıqla cv@sos-az.org e-poçt ünvanına göndərməyinizi xahiş edirik. Əlaqə nömrəsi: 055 227 47 25 Qeyd: Yalnız uyğun namizədlərlə əlaqə saxlanılacaqdır! Qeyd: SOS Uşaq Kəndləri Azərbaycanın iş elanları yalnız azerweb.az və jobsearch.az saytlarında yerləşdirilir!