İŞ ELANI

“SOS Uşaq Kəndləri-Azərbaycan” Assosiasiyası “SOS Kinderdorf” beynəlxalq humanitar təşkilatı və Azərbaycan hökuməti arasında imzalanmış razılaşmaya əsasən 1999-cu ildə yaradılmışdır. Təşkilatın əsas məqsədi valideyn himayəsindən məhrum olan uşaqlara ailə əsaslı qayğı göstərməkdən, həmçinin atılma riski altında olan uşaqların sosial rifahını təmin etmək məqsədilə müxtəlif tədbirlər həyata keçirməkdən ibarətdir. Hazırda Assosiasiyanın Bakı və Gəncə SOS Uşaq Kəndləri Proqramı çərçivəsində bir sıra sosial layihələr uğurla fəaliyyət göstərir. “SOS Uşaq Kəndləri-Azərbaycan” Assosiasiyası, BMT-nin Uşaq Hüquqları Konvensiyasına əsaslanaraq, öz fəaliyyətində Uşaq Müdafiəsi siyasətini həyata keçirir.

 

“SOS Uşaq Kəndləri-Azərbaycan” Assosiasiyası İctimai Birliyi Xətai rayon Filialının qızlar üçün Kiçik Qrup Evi layihəsinə Sosial Pedaqoq  vəzifəsinə iş elanı verir:

 

İşin təsviri

• Gənclərə, təhsil seçimi və peşə istiqamətləndirməsi sahəsində dəstək
• Gənclər üçün iş yerlərinin tapılmasında dəstək
• Uşaqların və gənclərin Fərdi İnkişaf Planlarının hazırlanması
• Uşaq və gənclərin asudə vaxtlarının təşkili
• Praktik həyati səriştələrin inkişaf edilməsi
• Bioloji ailələrlə əlaqələrin dəstəklənməsi

 

Mütləq meyarlar

• Pedaqogika, psixologiya və ya sosial iş sahəsində ali və orta ixtisas təhsil
• Uşaq və ya gənclərlə iş sahəsində azı 2 illik iş təcrübəsi
• Məsləhət vermək və danışıqlar aparmaq bacarığı
• Sosial və təşkilati bacarıqlar
• Komandada işləmək istəyi və bacarığı
• Uşaq haqları və onların müdafiəsi haqda məlumatlılıq
• Ölkədəki təhsil və sosial sistem haqda məlumatlılıq
• Azərbaycan dili biliyi (Rus dilini bilən namizədlərə üstünlük verilir)

 

Əlavə meyarlar

• Psixo-pedaqoji sahədə əlavə təhsil (məsələn, ailə terapiyası, inkişaf psixologiyası və s.)
• Dözümlülük, çeviklik
• Stress və böhranın idarə edilməsi bacarığı
• İlk tibbi yardım göstərmək bacarığı

 

İş şəraiti

• Tam məşğulluq
• Ərazi – Bakı şəhəri (Əhmədli qəsəbəsi)
• Əmək haqqı –  300 AZN (vergilər daxil)

 

Uyğun namizədlər öz CV-lərini aşağıdakı e-mail ünvanına göndərə bilərlər (yalnız elektron ərizələr nəzərə alınır). Lütfən nəzərə alın ki, yalnız göstərilən meyarlara ən çox uyğun gələn seçilmiş namizədlərlə əlaqə saxlanılacaq: [email protected]

 

Xahiş olunur, məktubun "SUBJECT" qrafasında "Sosial Pedaqoq " yazasınız.  

CV-lərin son göndərilmə tarixi: 15 Yanvar 2019-cu ildir.

“SOS Uşaq Kəndləri – Azərbaycan” Assosiasiyası İctimai Birliyi beynəlxalq təşkilatın nümayəndəliyi olaraq öz işçilərinə geniş inkişaf imkanları yaradır.