İŞ ELANI

“SOS Uşaq Kəndləri-Azərbaycan” Assosiasiyası beynəlxalq humanitar “SOS Kinderdorf” təşkilatı və Azərbaycan hökuməti arasında imzalanmış razılaşmaya əsasən 1999-cu ildə yaradılmışdır. Təşkilatın əsas məqsədi valideyn himayəsindən məhrum olan uşaqlara ailə əsaslı qayğı göstərməkdən, həmçinin atılma riski altında olan uşaqların sosial rifahını təmin etmək məqsədilə müxtəlif tədbirlər həyata keçirməkdən ibarətdir. Hazırda Assosiasiyanın Bakı və Gəncə Uşaq Kəndləri və Ailələrə Dəstək Proqramı çərçivəsində bir sıra sosial layihələri uğurla fəaliyyət göstərir.
“SOS Uşaq Kəndləri-Azərbaycan” Assosiasiyası, BMT-nin Uşaq Hüquqları Konvensiyasına əsaslanaraq, öz fəaliyyətində Uşaq Müdafiəsi siyasətini həyata keçirir.

SOS Uşaq Kəndləri – Azərbaycan Azərbaycan Respublikası Əmək və Əhalinin Sosial Müdafiəsi Nazirliyindən 2013-cü ilin İyul ayında Yevlax rayonunda Uşaqların dövlət uşaq müəssisələrinə düşməsinin qarşısının alınması və  çətin həyat şəraitində olan uşaqların və ailələrin sosial xidmətlərə çıxışının təmin edilməsi məqsədi ilə günərzi qayğı mərkəzinin yaradılmasına dair sosial sifariş almışdır

“SOS Uşaq Kəndləri-Azərbaycan” Assosiasiyası  Günərzi Qayği Mərkəzinin ümumi məqsədi hər bir uşağın sosial, emosional, fiziki, əqli inkişafını təmin etmək və onlar üçün ruhlandırıcı ətraf mühit yaratmaqla De-İnstitutlaşma və Alternativ Qayğı Dövlət Proqramının (2006-2015) səmərəli sürətdə həyata keçirilməsinə töhfə verməkdir.

Günərzi Qayğı Mərkəzi uşaqların yaş və psixoloji xüsusiyyətlərinə uyğun təlim-tərbiyə prosesini təşkil etməklə, ailə və cəmiyyətin tələbatını ödəyir, risk qrupuna aid olan uşaqların ahəngdar inkişafını və tərbiyəsini təmin edir, onların inkişafı üçün müxtəlif təlimlər həyata keçirir.

 

“SOS Uşaq Kəndləri-Azərbaycan”
Yevlax Günərzi Qayğı Mərkəzi

Xidməti əsaslarla
Avtomobilin icarəsi (sürücü ilə)

vəzifəsinə elan verir!

İş Şərtləri
Layihənin bitmə tarixi: 31.12.2013 (Maliyyə imkanlarından asılı olaraq uzadıla bilər)
Məşğullluq – tam
İş vaxtı – həftəlik 40 saat
Əmək Haqqı – 300 azn. (vergilər daxil olmaqla)
İş yeri – Yevlax Rayonu

 

Öhdəliklər

• Günərzi Qayğı Mərkəzinin nəqliyyat ehtiyaclarını təmin etmək;
• Nəqliyyatdan istifadə vaxtı sərnişinlərin təhlükəsizliyini təmin etmək;
• Nəqliyyat vasitəsini səmərəli və təhlükəsiz şəkildə istismar etmək;
• Sığorta qaydalarına əməl etmək;
• Nəqliyyat vasitəsinə qulluq etmək, o cümlədən, yanacaq doldurmaq, yuyulmasını təmin etmək, təmir etdirmək;
• Nəqliyyat vasitəsinə göstərilən xidmətləri təsdiq edən sənədləri muhasibə təqdim etmək;
• İnzibati və təsərrüfat işlərinin təşkili zamanı Təsərrüfat işləri üzrə müdirə kömək etmək
• Kollektiv arasında etika qaydalarına, həmçinin nizam-intizam qaydalarına riayət etmək;
• SOS UK Azərbaycan Assosiasiyasının Davranış Kodeksinə və Uşaq Müdafiə Siyasəti qaydalarına riayət etmək  

Minimum bilik, səriştə və keyfiyyətlər

• Sərnişinlərin vaxtında , lazımi yerlərə çatdırılmasını təmin etmək bacarığı/təcrübəsi
• Yol Hərəkəti Qaydalarına ciddi riayət etmək bacarığı
• Dəqiq, səliqəli, punktual.
• Idarə etdiyi avtomobilə cavabdeh olmaq bacarığı
• Ezamiyyətə getmə imkanı
• Uzunmüddətli əməkdaşlığa hazırlıq

 

Uyğun namizədlər əlavə CV-ni aşağıdakı e-mail ünvanına
göndərə bilərlər
(yalnız elektron ərizələr nəzərə alınır):

[email protected]

Xahiş olunur, məktubun "SUBJECT" qrafasında "Sürücü" yazasınız.

Ərizələrin göndərilməsinin son tarixi 6 Avqust  2013-cü il.

“SOS Uşaq Kəndləri – Azərbaycan” Assosiasiyası beynəlxalq təşkilatın nümayəndəliyi olaraq öz işçilərinə geniş inkişaf imkanları yaradır.