“GƏLƏCƏK ÜÇÜN ASSOSİASİYALAR” FƏALİYYƏTİ

YÜKLƏ [ İştirakla bağlı uyğunluq və seçim meyarları ]

 

Azərbaycanda rəsmi qeydiyyatda olan biznes və peşəkarlar assosiasiyaların nəzərinə!

Azərbaycan Mikromaliyyə Assosiasiyası (AMFA), ABŞ Beynəlxalq İnkişaf Agentliyinin (USAID) dəstəyi ilə “Gələcək üçün Assosiasiyalar” fəaliyyətini icra edir. Fəaliyyətin idarəedilməsi Azərbaycan Mikromaliyyə Assosiasiyası, Finance and Social İnnovation Consulting, Əlil Təşkilatları İttifaqı daxil olmaqla yerli və Beynəlxalq Təşkilatlar Konsorsiumu tərəfindən həyata keçirilir.

Fəaliyyət Azərbaycanda biznes və peşəkarlar assosiasiyaların bacarıqlarını artıraraq, ölkənin iqtisadi inkişafında rolunu gücləndirməyi hədəfləyir.

Fəaliyyət çərçivəsində on beş assosiasiyanın üzvlərə daha yaxşı xidmət göstərmək məqsədi ilə bilik və bacarıqlarının artırılması, fəaliyyətlərini təkmilləşdirmək imkanı, kiçik qrantların təqdim olunması nəzərdə tutulur.

Seçilmiş Benefisiar Assosiasiyalar kiçik qrant vasitəsi ilə müxtəlif fəaliyyətləri maliyyələşdirə bilər:

1)      Təşkilati sistemlər, alətlər və proseslər:

-          Konsaltinq xidmətindən istifadə edərək təşkilatın Strateji və ya Fəaliyyət Planın hazırlanması;

-          Assosiasiyanın veb saytının hazırlanması və ya təkmilləşdirilməsi;

-          Üzvlük siyasətinin inkişafı;

-           

2)      Proqramların və xidmətlərin inkişafı:

-          Üzvlər arasında sorğu keçirərək və ya müzakirə üçün fokus qruplarının təşkili nəticəsində yeni proqram və xidmətlərin tətbiqi;

-          Yeni təlim proqramlarının hazırlanması;

-           

3)      Satınalma və maliyyə idarəçiliyinin gücləndirilməsi:

-          Daxili prosedurların təkmilləşdirilməsi və inkişaf etdirilməsi;

-          Xarici auditin aparılması.

               Assosiasiyaların seçimində sorğu, müsahibə, fokus qrup müzakirələri, ikinci dərəcəli məlumatların təhlili və digər üsullardan istifadə olunacaq. Seçim 7 peşəkar ekspert və layihə konsorsiumundan ibarət olan seçki komitəsi tərəfindən həyata keçiriləcək. İlkin araşdırmanın nəticələrinə əsasən, konsorsium Azərbaycanda biznes və peşəkarlar assosiasiyalar üçün ilk dəfə hərtərəfli təlim proqramını tərtib və istifadə edəcək.

 

Seçilmiş Benefisiar Assosiasiyalar fəaliyyətin aşağıdakı mərhələlərində iştirak edəcəklər:

1)    Assosiyasiyaların bacarıqlarının qiymətləndirilməsi;

2)    “Gələcək üçün Assosiayalar” Akademiyasının “Effektiv idarəetmə” təlimləri;

3)    “Gələcək üçün Assosiasiyalar” Akademiyasının “Yumşaq bacarıqların” təlimləri;

4)    Kiçik qrantın alınması;

5)    Hesabatlıq.

 

Fəaliyyətdə iştirak etmək üçün aşağıda göstərilən qaydalara uyğun bizə müraciət etməniz xahiş olunur:

1)    Qoşmadakı seçim meyarları ilə tanış olmaq;

2)    Linkə daxil olaraq iştirak ərizəsin doldurmaq.

https://app.sli.do/event/6GL6pkKhPnznV8YtivLy5z/embed/polls/65bdcb28-8135-407f-b1aa-3878143ca303

“Gələcək üçün Assosisiyalar” fəaliyyətində iştirakla bağlı müraciətlər üçün son tarixi 06.10.2023
Suallarla bağlı  [email protected] mail ünvanı və ya +99451 290 38 03 nömrəsi ilə əlaqə saxlaya bilərsiniz.