Xidmət Təklifləri üçün Çağırış

 

Vəzifə	Layihə İdarəetməsi üzrə təlimçi və mentor
Məkan	Mingəçevir Dövlət Universiteti
Müddət	20 konsultasiya günü (min 8 təlim günü daxil olmaqla)

 

Nəzərdə tutulur: Layihə İdarəetməsində Nəticə Əsaslı İdarəetmə (Results-Based Management) yanaşması üzrə Mingəçevir Dövlət Universitetin əməkdaşlarının bilik və bacarıqlarının artırılmasını hədəfləyən təlim və mentorluq xidmətinin göstərilməsi. 

Ərizə forması 04 Aprel, 2022-ci il yerli vaxtla saat 09:00-dan gec olmayaraq aşağıdakı elektron ünvana göndərilməlidir:  [email protected]

 

SOCAR və onun Cənubi Qafqaz Boru Kəməri (CQBK) şirkətindəki tərəfdaşları, maraqlı tərəfləri qeyd olunan sahədə təlim və mentorluq xidmətlərinin icrası üçün xidmət təkliflərini təqdim etməyə dəvət edir. 

Xidmətlər

Əlaqədar sahədə geniş təcrübə və biliyə malik olan fiziki və hüquqi şəxslərdən gələn ərizələrin qəbulunu elan edirik.

 

İcraçı tərəf layihə hədəflərinə çatmaq üçün aşağıdakı fəaliyyətləri həyata keçirəcək:

• Universitet əməkdaşları üçün Nəticə Əsaslı İdarəetmə üzrə təlim kurrikulumu və sillabus materiallarının (orta səviyyə) hazırlanması; 
• Layihə fəaliyyətlərinin və nəticələrinin effektivliyinin ölçülməsi məqsədilə iştirakçılar arasında təlim öncəsi və sonrası qiymətləndirmənin aparılması;
• Təlimlərin, əlavə olaraq qrup mentor və ya kouç sessiyalarının keçirilməsi (10 iştirakçı);
• Təlim reportunun hazırlanması;
• Yuxarıda göstərilən xidmətlər ilə əlaqəli digər fəaliyyətlərin icrası.

 

Xidmət təklif formasının təqdim olunması ilə bağlı təlimat

 

Aşağıdakı sənədlər əlavədə qeyd olunmalıdır:

 

1. Xidmət təklifi:
• ərizəçi fəaliyyətlərin icrası ilə bağlı nümunələr göstərərək hansı səbəbdən ən uyğun namizəd olduğunu izah edir;
• ərizəçi işin təşkili ilə bağlı təklif etdiyi yanaşma və metodologiya barədə məlumat verir.

 

2. Fəaliyyətlərin icrası ilə bağlı detallı maliyyə təklifi və əsaslandırma.

 

3. Ərizəçinin bənzər təcrübəsinin yer aldığı CV və ya Rezüme.

Tələblər

• Nəticə Əsaslı İdarəetmə yanaşmasının tətbiq edildiyi sosial və iqtisadi inkişafı hədəfləyən layihələrin yazılması, icrası, monitorinq və qiymətləndirməsi üzrə ən azı 5 illik iş təcrübəsi;
• Təlim prosesinin effektiv təşkili və kurrikulum dizaynı üzrə bilik və bacarıqlar;
• Tədqiqat və analitik bacarıqlar; 
• MS Word, Excel, PowerPoint və digər ofis proqramlarından peşəkar istifadə bacarığı;
• Azərbaycan və İngilis dillərində şifahi və yazılı yüksək kommunikasiya bacarıqları.

Qiymətləndirmə kriteriyaları 

Layihə təkliflərinin qiymətləndirilməsi zamanı aşağıdakı meyarlar nəzərə alınacaq: 

• ərizəçi təklif olunan fəaliyyət və iş proqramını uğurla başa çatdırmaq üçün uyğun peşəkar bilik, bacarıq və təcrübəyə malikdir;
• nəzərdə tutulan fəaliyyətləri yerinə yetirmək üçün məqbul və ağlabatan qiymətlər təklif olunub; 
• ərizəçi göstərilən fəaliyyətlərin icrası üçün innovativ yanaşma və metodologiyalar təklif edir.

 

Ödəniş şərtləri 

Büdcə üçün nəzərdə tutulan məbləğ AZN ilə ödəniləcək. SOCAR ödənişi orijinal sənəd və fakturalar təqdim edildiyi halda, qənaətbəxş yoxlanış hesabatı və tələb olunan məhsul/xidmətlər alındıqdan sonra 30 gün ərzində bank hesabı vasitəsilə həyata keçirəcək. Nəzərinizə çatdırmaq istərdik ki, xidmət təklifi formasının hazırlanması üçün edilən bütün ödənişlər və çəkilən xərclər təklif formasını təqdim edən ərizəçi tərəfindən qarşılanmalıdır. SOCAR layihə təkliflərinin hazırlanması üçün edilən hər hansısa bir xərcə görə məsuliyyət daşımır. 

 

Son müraciət tarixi: 04 Aprel 2022-ci il, saat 09:00-dək

Yalnız qeyd olunan tarixə kimi [email protected] ünvanına göndərilən və ingilis dilində yazılmış ərizələr nəzərdən keçiriləcək. Ərizənizi təqdim etməzdən öncə zəhmət olmasa əmin olun ki: 

- bütün tələb olunan sənədləri qeyd olunan elektron ünvana göndərmisiniz; 

- təqdim edəcəyiniz sənədlər tamamlanıb və oxunaqlıdır; 

- sənədlər bütün rəsmi tələblərə cavab verir.